Сулеймэн Еркегуль, Ақмола облысы Жақсы ауданы «Ғ. Әбдірахманов атындағы Қима орта мектебі» КММ математика пәнінің мұғалімі

Ұстаз – ұлы тұлға. Ал оған жету табандылық пен қайсарлықты, тынбай ізденуді талап етеді. Егер мұғалім алдында отырған әр баланы болашақ тұлға ретінде қабылдап, онымен баласындай санасып, досыңдай сырласса, өзінің пәніне деген сүйіспеншілігін оята алса, білімге, ізденуге құлшынысын, ынтасын арттырса, ол нағыз «педагог» деп есептеледі.

Сөзіміздің жібін тарқата кетейік...

«2020 жылдың үздік педагогы» атағының иегері Сулеймэн Еркегуль мұғалім жолын таңдап, ата-анасының ізімен жүруді таңдады. Оның әкесі Муранбай Сүлеймен мен анасы Хахарман Гулдари де тәрбиешілер болған. Еркегүл жоғары білімін Қарағанды қаласының мемлекеттік университетінде математика және информатика факультетін бітірген.

Содан кейін жолдамамен жұбайы Бекмұратпен бірге Жақсы ауданына жұмысқа келді. Міне, 22 жыл бойы ол  Ғ. Әбдірахманов атындағы Қима орта мектебінің оқушыларына білім беруде. Абай ақынның «болмасаң да ұқсап бақ» деген сөзіне дәлелдеме ретінде Еркегүлді  шабыттандыратын, сол кісінің салған  дара ізімен жүргісі келетін тағы бір ірі тұлға бар. Ол Жәутіков Орынбек Ахметбекұлы. О.А.Жәутіков – ғалым, физика-математика ғылымдарының докторы, профессор, Қазақстан Ғылым академиясының академигі, Қазақстанның еңбек сіңірген ғылыми және техника қайраткері, Қазақстанның Мемлекеттік сыйлығының лауреаты, – деп оқушыларына да Еркегүл үнемі айтып, математика саласына қызығушылықтарын арттырып отырады.

Еркегүлдің соңғы үш жылдағы кәсіби саладағы жетістіктері, ол өзі туып-өскен Моңғолиядағы Ховд аймағындағы Богда тауы сияқты:

• «Білім беру процесін дамытуға қосқан жеке үлесі үшін» ҚР Білім министрлігінің алғыс хаты, 2019 ж.;
• «Білім беру үдерісін дамыту және жетілдіру бойынша жемісті жұмысы үшін» ҚР Білім министрлігінің алғыс хаты, 2020 ж.;
• «Математика, физика және информатика мұғалімдерінің VI республикалық шығармашылық конкурсының облыстық кезеңіне қатысқаны үшін»  Ақмола облысының білім басқармасы «Облыстық оқу - әдістемелік кабинеті» КММ-нің алғыс хаты, 2018ж.;
• «Жоғары жұмыс нәтижелері, педагогикалық шеберлігі, ХХІ ғасырдағы тұлғаның интеллектуалды, мәдени, адамгершілік дамуын қалыптастырғаны үшін» Ақмола облысының білім басқармасы «Облыстық оқу - әдістемелік кабинеті» КММ-нің алғыс хаты, 2019 ж.;
• «Болашаққа бағдар: рухани жаңғыру» ҚР Тұңғыш Президенті Н.Назарбаевтың «Болашаққа бағдар: рухани жаңғыру» бағдарламасы аясында өткізілген «OZATTAR - Қазақстан білім беру үздігі» энциклопедиясы «100 жаңа есім» жобасына қатысқаны үшін SKILLS AKADEMY құрмет грамотасы, 2018 ж.;
• I дәрежелі Диплом, «Үздік ашық сабақ» байқауы, «Талаптар кз»  білім беру орталығы 2020 ж.;
• I дәрежелі Диплом, «Математика пәні мұғалімдері арасындағы олимпиада»  «Ұстаз тілегі»  Республикалық ғылыми-әдістемелік орталық, № R - 0024344;
• І дәрежелі Диплом, алгебра пәні мұғалімдері арасындағы республикалық олимпиаданың жеңімпазы;
• 2020 ж. ақпан айында өткен «Үздік математика мұғалімі» республикалық байқауының жеңімпазы.;
• «Рухани жаңғыру» бағдарламасы аясында Астананың 20 жылдығына орай өткізілген «Білім берудегі педагогикалық инновациялардың жаңа белестері» халықаралық форумында «Білім берудегі инновациялар және СМАРТ технологиялар» номинациясы бойынша инновациялық жоба үшін грамота, «Өрлеу» Біліктілікті арттыру ұлттық орталығы 2018 ж.

Сүлеймен Еркегүл біздің қоғамымыздың негізін қалыптастырушы жас ұрпақты тәрбиелеп, аудандық, облыстық деңгейдегі әріптестерімен өз тәжірибесімен бөлісіп, өзінің кәсіби дағдыларын тұрақты түрде дамытып келеді.

Педагогпен әзірлеген және енгізген:

• авторлық бағдарламалар,
• оқу-әдістемелік кешендер,
• әдістемелік материалдар:

• «Логикалық тапсырмалар мен жаттығулар»;
• «Олимпиада тапсырмаларына дайындық», 5-7 сыныптар»;
• «Тақырыптық бақылау жұмыстарына арналған дәптер», 9-сынып;
• «ҰБТ. Күрделі мәселелерді шешу»;
• «БЖБ бойынша әдістемелік тапсырмалар» математика, 5-сынып;
• «БЖБ және ТЖБ бойынша әдістемелік тапсырмалар» математика, 6 сынып;
• «7-8 сынып оқушыларына арналған ЗУН тексеруге арналған тесттер».

Сүлеймен Еркегүл өзінің еңбек жолында жаңаша тынымсыз ізденуге, тек алда болуға және әрбір оқушыны жақсы жағынан ашуға, жоғары мақсаттарға жетуге деген ұмтылысты  ұстанады.

Елбасының Жолдауында «Ел болашағы - жас ұрпақтың қолында, ал жас ұрпақтың тағдыры - мұғалімдердің қолында». Біз алға қойған міндеттерді орындауымыз керек, ол үшін тынымсыз еңбектенуіміз керек делінген