Жаратылыстану-математикалық бағыттағы мұғалімдерінің «Білім беру сапасын арттырудың шарты ретінде оқу процесін ұйымдастыруда тиімді тәсілдерді қолдану және жүзеге асыру: үздік білім беру практикасы – уақыт талабы» өңірлік форумы аясында физика пәні мұғалімдерінің сессиясын өткізу бойынша ақпарат

2021 жылғы  23 сәуірде жаратылыстану-математикалық бағыттағы мұғалімдеріне арналған «Білім беру сапасын арттырудың шарты ретінде оқу процесін ұйымдастыруда тиімді тәсілдерді қолдану және жүзеге асыру: үздік білім беру практикасы – уақыт талабы»атты өңірлік  форум аясында физика пәні мұғалімдерінің сессиясы өтті.

Сессияның мақсаты: білім алушылардың пәнді оқуға деген ынтасын көтеру және білім сапасын арттыруға бағытталған практиканы көрсету.

Сессия жұмысына Ақмола, Қарағанды, Павлодар, Солтүстік Қазақстан, Қостанай облыстарының жалпы орта білім беретін мектептерінің 70-тен астам физика мұғалімдері қатысты.

Сессия жұмысы барысында білім алушылардың функционалдық сауаттылығын дамыту, физика сабақтарында оқытудың белсенді әдістерін қолдану, физиканың ағылшын тіліндегі оқу - әдістемелік кешендерін пайдалану, процестерді модельдеу және роботтарды құрастыру мәселелері бойынша жұмыс тәжірибелері ұсынылды:

• «Оқушылардың функционалдық сауаттылығын арттыру-заман талабы», «Ақмола облысы білім басқармасының Көкшетау қаласы бойынша білім бөлімі Көкшетау қаласының әл-Фараби атындағы IT лицейі» КММ физика пәнінің мұғалімі Шайзада Байболат;
• «Физика сабақтарында оқытудың белсенді әдістері», Ақмола облысы білім басқармасының Степногорск қаласы бойынша білім бөлімі Қарабұлақ ауылының жалпы орта білім беретін мектебі»  КММ физика пәнінің мұғалімі Хасен Назым;
• «Физика сабағында STEM технологиясын қолданудың тиімділігі», Ақмола облысы білім басқармасының Бурабай ауданы бойынша білім бөлімі  Щучинск қаласының №9 жалпы орта білім беретін мектеп-гимназиясы» КММ физика пәнінің мұғалімі Әлмеш Бекмұрат Әділханұлы;
• «Физиканың оқу-әдістемелік кешендерін ағылшын тілінде қолдану», Ақмола облысы білім басқармасының Степногорск қаласы бойынша білім бөліміСтепногорск қаласының Л. Н. Толстой атындағы №4 мектеп-гимназиясы»  КММ физика пәнінің мұғалімі Стоян Марина Федоровна.

Сессия соңында қорытынды шығарылып,онлайн режиміндегі сұрақ –жауап арқылы кері байланыс ұйымдастырылды.