«Колледждерінің ең үздік 100 студенті»

Талантты жастарды қолдау, жұмысшы мамандықтарын насихаттау мақсатында 2021 жылғы 21-29 қыркүйек аралығында Ақмола облысы колледждерінің студенттері арасында «ҚР колледждерінің ең үздік  100 студенті» облыстық конкурсы өтеді.

Конкурстың ұйымдастырушылары: Ақмола облысының білім басқармасы және облыстық оқу-әдістемелік кабинеті.

Конкурсқа техникалық және кәсіптік білім беру ұйымдарында «жақсы» және «өте жақсы» оқитын және жетістіктері бар білім алушылар қатыса алады:

• қоғамдық бірлестіктердің, ұйымдардың көшбасшылары, студенттік өзін-өзі басқару және еріктілер қозғалысының көшбасшылары;

• WorldSkills аймақтық, ұлттық және халықаралық чемпионаттарының және басқа да кәсіби шеберлік байқауларының қатысушылары мен жеңімпаздары;
• ғылыми конференцияларға қатысушылар және олимпиада, түрлі конкурстар, спорттық жарыстар жеңімпаздары, шығармашылық ұжымдардың өкілдері, инновациялық идеялар, стартап-жобаларының авторлары;
• мемлекеттік жастар саясатын іске асыру шеңберінде жұмыс істейтін бағдарламалар мен қызмет бағыттарының белсенді қатысушылары;
• позитивті жастар ұйымдарының өкілдері.