Математика, физика және информатика мұғалімдерінің XIII шығармашылық байқауы туралы ақпарат

Ақмола облысы білім басқармасының облыстық оқу-әдістемелік кабинетінің жұмыс жоспарына сәйкес 2021 жылғы 15 қазан күні Көкшетау қаласында «Bolashaq saraiy» базасында математика, физика және информатика мұғалімдерінің IX республикалық шығармашылық конкурсының облыстық кезеңі өтті.

Облыстық байқаудың жеңімпаздары 2021 жылғы 4-5 желтоқсан күндері Алматы қаласында «Математика пәні мұғалімдерінің қауымдастығы» РҚБ мен «Дарын» РҒПО бірлесіп өткізген математика, физика және информатика мұғалімдерінің VIII Халықаралық шығармашылық конкурсына қатысты.

Байқаудың мақсаты мұғалімдердің беделін арттыру, кәсіби шеберліктің өсуіне ықпалету, басқа елдердің педагогтерімен өзара байланыс жасау болды.

Республикалық олимпиадаға 333 мұғалім (208 математика, 69 физика, 56 информатика мұғалімдері) қатысты.

Республикалық конкурстың қорытындысы бойынша III дәрежелі дипломмен Ақмола облысы білім басқармасының «Степногорск қаласындағы дарынды балаларға арналған № 4 «Болашақ» облыстық мамандандырылған мектеп - интернаты» КММ-нің физика пәнінің мұғалімі Сағдат Мыңжасарұлы Шорманов марапатталды. Құрмет грамотасымен «Ақмола облысы білім басқармасының Көкшетау қаласы бойынша білім бөлімінің Көкшетау қаласындағы әл-Фараби атындағы IT лицейі» КММ-нің физика пәнінің мұғалімі Байболат Шайзада марапатталды.  Қалған қатысушыларға сертификаттар табысталды.

Жеңімпаздарды құттықтаймыз! Сіздерге алдағы уақытта табыстар мен жаңа жеңістер тілейміз.