Ақмола облысының педагогикалық саласы бойынша колледж педагогтері арасындағы кәсіби шеберлік конкурсының облыстық кезеңінің қорытындысы туралы

         2022 жылғы 15-16 ақпанда Ақмола облысының техникалық және кәсіптік, орта білімнен кейінгі білім беру ұйымдарының педагогтері арасында дарынды оқытушыларды қолдау, педагогикалық мамандықтарды танымал ету мақсатында білім басқармасы мен облыстық оқу-әдістемелік кабинетінің ұйымдастыруымен облыстық онлайн - конкурс өткізілді.

Конкурсқа жалпы білім беретін және арнайы пәндердің 26 оқытушысы қатысты. Конкурс екі бағыт бойынша өткізілді: педагогикалық сала педагогтері және жалпы білім беру пәндері педагогтері.

Конкурс барысында педагогтер теориялық және практикалық дайындықты, білім беру үдерісінде инновациялық тәсілдерді шебер пайдалануды көрсетті.

             Педагогикалық мамандықтар бойынша жеңімпаздар анықталды:

1 орын – Т.М. Жоламанова, Ж. Мусин атындағы Көкшетау жоғары қазақ педагогикалық колледжінің оқытушысы;

2 орын – Е. Н. Виссарионова, Щучинск қаласының жоғары педагогикалық колледжінің оқытушысы;

3 орын – К.Ж. Искендерова, Ш. Уәлиханов атындағы КУ жанындағы көпсалалы колледжінің оқытушысы.

        Сонымен қатар жалпы білім беру пәндері бойынша жеңімпаздар анықталды:

1 орын  –  А.Е.Касымов, Красный яр а. агротехникалық колледжінің оқытушысы;

2 орын – Ж.А.Ехсанова, Ж. Мусин атындағы Көкшетау жоғары қазақ педагогикалық колледжінің оқытушысы;

3 орын – Г.Е. Ибраева, азаматтық қорғаныс жоғары көпсалалы колледжінің оқытушысы.

         Конкурстың барлық қатысушыларын құттықтаймыз! Шығармашылық табыстар мен жаңа жеңістер тілейміз.

        Жеңімпаздарға конкурстың республикалық кезеңінде Ақмола облысының намысын қорғауда сәттілік тілейміз!

      «ОУӘК» ТжКББ  бөлімі