«Ағылшын тілі мұғалімдерінің әдістемелік бірлестігі жұмысында оқушылардың білімдері мен дағдыларындағы кемшіліктерді анықтау және жою» тақырыбында облыстық вебинар туралы АҚПАРАТ

2022 жылғы 28 наурызда Ақмола облысы білім басқармасының «Оқу-әдістемелік кабинеті» КММ-сі онлайн форматта «Шет тілі» пәнінен оқушылардың біліміндегі олқылықтардың орнын толтыру бойынша жұмыс тәжірибесімен алмасу, жұмыстың жаңа белсенді формаларын іздестіру мақсатында  «Ағылшын тілі мұғалімдерінің әдістемелік бірлестігі жұмысында оқушылардың білімдері мен дағдыларындағы кемшіліктерді анықтау және жою» тақырыбында ағылшын тілі мұғалімдерінің вебинары өткізілді.

• Вебинар барысында педагогтер білім беру жүйесіндегі «Шет тілі» пәні бойынша, сонымен қатар білім сапасын арттыру, оқушылардың білімдері мен дағдыларындағы олқылықтарды анықтау және жою жөніндегі өзекті мәселелерді талқылады
• Ақмола облысының 60-қа жуық ағылшын тілі мұғаліміне «Шет тілі» пәні бойынша облыстық қауымдастыққа кіретін педагог-шеберлер мен  педагог – зерттеушілер  шеберлік сағатын өткізді.
• Вебинар қорытындысы бойынша рефлексия өткізіліп, педагогтер іс-шара барысында алған әсерлерімен бөлісті және сөз сөйлеушілерге тілектерін білдірді.
• Ұсыныстар талқыланып, қабылданды.