WorldSkills Aqmola-2022 өңірлік кәсіби шеберлік конкурсы

WorldSkills Aqmola-2022 өңірлік кәсіби шеберлік конкурсы жалғасуда. 2022 жылғы 13 сәуірде 3 колледж базасында конкурстың ашылуы өтті.

Көкшетау қаласының жоғары техникалық колледжінде 40-тан астам қатысушы «Дәнекерлеу технологиясы», «Мобильді робототехника», «Шанақты жөндеу», «Графикалық дизайн», «Прототиптеу», «Ақпараттық- кабельдік желілер» құзыреттіліктері бойынша жарысуда.

 Көкшетау қаласының Красный Яр Агротехникалық колледжіне қатысушылар «Сити-Фермер», «Smart-Агрономия», «Дизельді қозғалтқыштарды жөндеу және қызмет көрсету» құзыреттіліктері бойынша өз дағдыларын көрсетуге келді.

  Шағалалы ауылының жоғары агротехникалық колледжінде «Өнеркәсіптік автоматика», «Астық және оны қайта өңдеу өнімдерінің сапасын анықтау» құзыреттіліктері бойынша конкурс өтуде.

«Астық және оны қайта өңдеу өнімдерінің сапасын анықтау» құзыреттілігі бойынша Жамбыл, Солтүстік Қазақстан облысы колледждерінің және Ш. Уәлиханов атындағы университеттің студенттері қатысуда.

Чемпионат аясында колледждерде сарапшылар мен конкурсқа қатысушылар үшін дөңгелек үстелдер, брифингтер, түрлі шеберлік сағаттары ұйымдастырылды.