«Білім беру ұйымдарындағы психологиялық-педагогикалық қолдау қызметінің нормативтік-әдістемелік негіздемесі» облыстық әдістемелік кеңес

Ақмола облысы білім басқармасының «Облыстық оқу - әдістемелік кабинеті» КММ-нің жұмыс жоспарына сәйкес 2022 жылғы 29 сәуір күні Ақкөл ауданы Ақкөл қаласының Жайық Бектұров атындағы № 3 жалпы орта білім беретін мектебінің базасында «Білім беру ұйымдарындағы психологиялық-педагогикалық қолдау қызметінің нормативтік-әдістемелік негіздемесі» тақырыбында облыстық әдістемелік кеңес отырысы өтті.

Әдістемелік кеңес жұмысына Көкшетау қаласындағы Педагогикалық шеберлік орталығының директоры Нөгербаев Төлеген Кәкімұлы, аудандық (қалалық) әдістемелік кабинет меңгерушілері, облыстық оқу-әдістемелік кабинетінің әдіскерлері қатысты.

Модератор ретінде облыстық оқу-әдістемелік кабинетінің директоры Құрманғалиева Ләззат Сұрағанқызы сөз сөйледі.

Әдістемелік кеңесте келесі мәселелер қаралды:

1. Көкшетау қаласындағы Педагогикалық шеберлік орталығы мен Ақмола облысы білім басқармасының облыстық оқу-әдістемелік кабинетінің ынтымақтастық перспективалары.

2. Инклюзивті білім беруді нормативтік-әдістемелік сүйемелдеу.   

3. Білім беру процесіне қатысушыларды бейімдеудегі психологиялық қызметтің рөлі.

Жұмыс қорытындысы бойынша әдістемелік ұсынымдар қаралып, бекітілді.