КУРСЫ ПОВЫШЕНИЯ КВАЛИФИКАЦИИ «ПЕДАГОГ СИСТЕМЫ ТиППО: СОВЕРШЕНСТВОВАНИЕ ТРУДОВЫХ ФУНКЦИЙ»

        Мұғалім мамандығы білімді үнемі жетілдіруді, жаңартып отыруды, заманауи тиімді технологиялар мен оқыту әдістерін қолдануды талап етеді. Мұның бәрі үздіксіз оқыту, біліктілікті арттыру кезінде ғана мүмкін.

Биыл Ақмола облысының 300-ден астам педагогі мен колледж басшылары «Техникалық және кәсіптік, орта білімнен кейінгі білім беру жүйесінің педагогі: еңбек функцияларын жетілдіру» тақырыбы бойынша оқытудан өтуде.

 Біліктілікті арттыру курстарын облыстық оқу-әдістемелік кабинеті «Talap» КЕАҚ оқу-тренингтік орталығымен бірлесіп ұйымдастырды. Курстарға қатысушылардың 108 сағаттық біліктілікті арттыру курстарында оқуға, оның ішінде 36 сағаттық өндірістік кәсіпорындарда тәжірибеден өтуге  мүмкіндігі бар.

Біліктілікті арттыру курстары барысында педагогтар келесі сұрақтарды талқылайды:

• академиялық дербестік шеңберінде білім беру бағдарламаларын әзірлеу;
• еңбек нарығы мен Индустрия 4.0 қажеттіліктерін ескере отырып, педагогтердің оқытылатын модульдер бойынша кәсіби дағдыларын жетілдіру;
• BOPPPS моделі бойынша сабақты жоспарлау;
• Сандық дағдыларды қалыптастыруға арналған IT технологиялар.

         Курстың екінші аптасы практикалық болғаны педагогтер үшін қызықты және жаңа болды. Тәжірибе базалары ретінде «Жас маман» жобасына кіретін әлеуметтік серіктестер - кәсіпорындар немесе колледждер таңдалды.

        Біліктілікті арттыру-педагогтерді кәсіптік оқытудың бір түрі, онда педагогтер өздерінің теориялық білімдерін, іскерліктері мен практикалық дағдыларын жетілдіреді.