«Техникалық және кәсіптік білім беру жүйесінде тәрбие жұмысының аспектілерін шешу жолдары мен мәселелері» облыстық семинар өтті

Ақмола облысының ТжКОБ жүйесінде тәрбие жұмысын ұйымдастырудың өзекті мәселелерін талқылау мақсатында 2019 жылғы  1 қазанында Көкшетау қаласының жоғары көпсалалы азаматтық қорғау колледжі базасында «Техникалық және кәсіптік білім беру жүйесінде тәрбие жұмысының аспектілерін шешу жолдары мен мәселелері» тақырыбында облыстық семинар өтті.

Семинар жұмысына «Ақмола – адалдық алаңы» жобалық кеңсесінің басшысы, білім басқармасының қамқоршылық, қорғаншылық және тәрбие жұмысы бөлімінің бас мамандары, техникалық және кәсіптік, орта білімнен кейінгі білім беру ұйымдары директорларының тәрбие жұмысы жөніндегі орынбасарлары қатысты.

Семинарға қатысушыларға білім басқармасының орынбасары Гамазов Валерий Георгиевич құттықтау сөз сөйледі.

«Ақмола-адалдық алаңы» жобалық кеңсесінің жұмысы туралы  Ақмола - адалдық алаңы» жобалық кеңсесінің басшысы Самира Өмірбекқызы Тайкенова таныстырды;

Білім басқармасының қамқоршылық, қорғаншылық және тәрбие жұмысы бөлімінің бас маманы Цуневская Кира Юрьевна «Студенттік ортадағы құқыққа қарсы мінез-құлық: мәселелері және оларды шешу жолдары» тақырыбында баяндама жасады;

Облыстың техникалық және кәсіптік білім беру ұйымдарындағы тәрбие жұмысы шеңберіндегі жобалардың іске асырылу барысы туралы білім басқармасының қамқоршылық, қорғаншылық және тәрбие жұмысы бөлімінің бас маманы Ли Марина Борисовна өз баяндамасында баяндады;

«Саналы ұрпақ»  мобильдік қосымшасы туралы Көкшетау қаласының жоғары техникалық колледжінің ақпараттық технологиялар оқытушысы Әбдіғаппаров Әсет Мерекеұлы бөлісті.

Іс-шараның соңында ағымдағы мәселелер талқыланып, қорытынды шығарылды.