«WorldSkills Kazakhstan 2022» республикалық кәсіби шеберлік конкурсы өз мәресіне жетті

2022 жылғы 4-11 желтоқсан аралығында «EXPO» халықаралық көрме орталығының алаңында және Астана қаласының колледждерінде «WorldSkills Kazakhstan 2022» республикалық кәсіби шеберлік конкурсы өтті. Оған Қазақстанның барлық өңірлерінен 500-ден астам қатысушы қатысты. Ақмола облысынан 29 құзырет бойынша 31 қатысушы қатысты.

«WorldSkills Kazakhstan 2022» чемпионатына қатысу нәтижесінде Ақмола облысы жүлделі орындар саны бойынша көшбасшылар үштігіне кірді және жетістіктер қоржынына 4 алтын, 3 күміс, 2 қола медаль және 11 медальон қосылды.

Алтын медальді «Прототиптеу» құзыреті бойынша Кожина Дарья, «Аспаз ісі» құзыреті бойынша Сусатов Данил, «Визуалды мерчендайзинг және витринистика» құзыреті бойынша Аниканова Ярослава, «Кескіндеме және сәндік жұмыстар» құзыреті бойынша Карюкина Алина жеңіп алды.

«Кірпіш қалау» құзыреттілігі бойынша Андиров Серік, «Мобильді робототехника» құзыреті бойынша Ашимов Айдар, Александр Некрасов, «Шанақты жөндеу» құзыреті бойынша Танбаев Асхад күміс медальмен марапатталды.

 Қола медальдар – «Құрғақ құрылыс және сылақ жұмыстары» құзыреті бойынша Хаирнас Нариман, «Бизнеске арналған ІТ шешімдер» құзыреті бойынша Карибаев Ислам.

Кәсіби шеберлігі үшін Чекирда Антон, Шарипов Рүстем, Федоров Станислав, Кузнецов Герасим, Атрощенко Ольга, Первова Мария, Гилимжан Олжас, Антонияди Николас, Михайленко Богдан, Қабиболла Еламан, Белгумбаева Анара, Амержанова Айя медальдармен марапатталды.

Барлық қатысушылар мен сарапшыларды құттықтаймыз!

Ұлттық чемпионатта бірінші орын алған балалар EuroSkills 2023 халықаралық чемпионатына қатысады.