WorldSkills Kazakhstan 2022 ұлттық чемпионатының және «Қазақстан Республикасы колледждерінің ТОП 100 студенті» жеңімпаздарын марапаттау рәсімі

21 желтоқсанда Көкшетау қ. Ақан сері атындағы жоғары мәдениет колледжінде Ақмола облысы колледждерінің студенттерін - WorldSkills Kazakhstan 2022 VII Ұлттық чемпионатының жеңімпаздары мен жүлдегерлерін және «Қазақстан Республикасы колледждерінің ТОП 100 студенті» республикалық байқауының жеңімпаздарын салтанатты түрде марапаттау рәсімі өтті.

Іс-шараға Ақмола облысы білім басқармасы басшысының орынбасары В.Г. Гамазов және Ақмола облысы Кәсіпкерлер Палатасы директорының орынбасары Р.Е. Сыздықов қатысып, жеңімпаздар мен олардың тәлімгерлерін құттықтап, ақшалай сертификаттар табыс етті.

Естеріңізге сала кетейік, 2022 жылғы 4-11 желтоқсан аралығында Астана қаласында WorldSkills Kazakhstan 2022 республикалық кәсіби шеберлік чемпионаты өтті. Ақмола облысы негізгі көрсеткіштер бойынша үздік үштікке енді, ал біздің студенттер 4 алтын, 3 күміс, 2 қола және 11 кемелдік медальондарының иегерлері атанды.