Ақмола облысының техникалық және кәсіптік, орта білімнен кейінгі білім беру ұйымдарының өндірістік оқыту шеберлері арасында өткізілген «Үздік өндірістік оқыту шебері-2023» облыстық конкурсының қорытындысы

Өндірістік оқыту шебері мәртебесін арттыру және үздік жұмыс тәжірибесін әрі қарай тарату -қазіргі заманғы кәсіптік білім берудің міндеттерінің бірі.Осы мақсатта Ақмола облысында 2023 жылғы қаңтар айының 23-27 аралығында «Үздік өндірістік оқыту шебері» облыстық конкурсы өтті.

Конкурсқа педагогикалық қызметте жоғары жетістіктері бар колледждердің 20 өдірістік оқыту шебері қатысты.

Кез – келген конкурстек қатысушылар үшін ғана емес, қазылар алқасы үшін де жауапты жұмыс. Қатысушылардың жұмысын білім беру саласындағы жоғары кәсіби және құзыретті мамандар мен қоғамдық бірлестіктердің өкілдері бағалады.

Конкурс 2 кезеңнен тұрды.Бірінші іріктеу кезеңінде комиссия мүшелері бейнероликтерді, портфолионы қарады. Финалдық кезеңге өндірістік оқытудың 11 шебері өтті.

Финалдық кезең 2023 жылғы 27 қаңтарда Көкшетау қ., құрылыс-технологиялық колледжінде өтті. Комиссия мүшелері инновациялық технологиялар мен цифрлық ресурстарды қолдана отырып, практикалық сабақтың үзіндісін және «Шығармашылық зертхана»  көрмесін  бағалады.

Конкурстың марапаттау рәсімінде Ақмола облысы білім басқармасы басшысының орынбасары В. Гамазов жеңімпаздар мен жүлдегерлерді құттықтап, дипломдар, грамоталар және ақшалай сертификаттар табыс етті.

Оқытудың үздік өндірістік шебері және 1 дәрежелі дипломы мен100 000 теңге сомасындағы сертификатқа, Ковалев Рустем Сергеевич Көкшетау қаласы, жоғары техникалық колледжінің өндірістік оқыту шебері ие болды.

2 дәрежелі диплом және 80 000 теңге сомасындағы сертификат иегері Коломиец Ольга Владимировна, Щучинск қ., жоғары техникалық колледжі.

3 дәрежелі диплом мен 50 000 теңге сомасындағы сертификат иегері Сатаева Марина Сергеевна, Шағалалы а., жоғары агротехникалық колледжі.

Үш қатысушы номинациялар мен 30 мың теңге ақшалай сыйлықтарға ие болды:

«Мамандыққа деген адалдық» номинациясы -Искакова Айшолпан Едрисовна, Көкшетау қ., құрылыс-технологиялық колледжі;

«Педагогикалық шеберлік» номинациясы - Шевченко Татьяна Олеговна, Степногорск қ. жоғары колледжі;

«Мамандықтағы шығармашылық» номинациясы -Нураддинова Арухан Бағдаулетқызы, Жанаесіл а., агротехникалық колледжі.

Сондай-ақ, конкурстың барлық қатысушыларына «Ақмола облысы және Астана қ. Бiлiм және ғылым қызметкерлерi кәсiподағы» ҚБ ұйымынан бағалы сыйлықтар табысталды.

Конкустың барлық қатысушылары мен жеңімпаздарын құттықтаймыз, шығармашылық табыстар мен жаңа жетістіктерге жетуді тілейміз!