WorldSkills Aqmola 2020 аймақтық чемпионатын өткізуге дайындық басталды

Бүгін, 2020 жылғы 15 қаңтар күні Көкшетау қаласының құрылыс-технологиялық колледжінде WorldSkills Aqmola 2020 аймақтық чемпионатын өткізуге дайындықты ұйымдастыру мәселелерін талқылау мақсатында білім басқармасы басшысы орынбасарының қатысуымен жұмыс кеңесі өтті.

Кеңесті білім басқармасы ТжКББ бөлімінің басшысы Б.С.Садвакасов  ашты және WorldSkills қозғалысындағы Ақмола командасының жетістіктері, бизнес-қауымдастықтың қозғалысын қолдаудың маңызы жайлы  айтып өтті.

Бөлім басшысы С.С.Сералина аймақтық чемпионатына дайындық бойынша қысқаша шолу жасады.

Одан әрі жұмыс кеңесі секциялар бойынша жалғасты. Колледж директорлары-ұйымдастырушылардың бірінші секциясында Б.С.Садвакасовтың басшылығымен  әлеуметтік серіктестер чемпионатты өткізу бойынша ұйымдастыру  мәселелерін  талқылады.

Екінші секцияда құзыреттілік бойынша сарапшы-компатриоттар байқау тапсырмаларын қарастырып, байқаудың материалдық жабдықталуын талқылады.

Кеңес қорытындысы бойынша ұсынымдар қабылданды, топтар құрылды. Қатысушылар жұмыс алаңдарын безендіру бойынша пікір алмасты.

Кеңес жұмысына әлеуметтік серіктестер – Е. И. Мащинская, «Той Дастархан» ЖШС директоры, А. Елмаганов, «Умай Жер» ЖШС директоры», Халикова А.В., «Ze Bize» кофейнясының  директоры  және басқалар қатысты.

Кеңес нәтижелі өтті.

Сералина С.С.