VI Республикалық «Жаңа мектепке-жаңашыл ұстаз» жас педагогтер байқауының ІІІ турының қорытындысы

«Жаңа мектепке-жаңашыл ұстаз» атты жас педагогтердің VI Республикалық байқауы Қазақстан Республикасының Оқу-ағарту министрлігінің қолдауымен «Балдәурен» РОСО» РМҚК 2023 жылғы 17 - 21 сәуір аралығында Ақмола облысы Щучинск қаласындағы «Балдәурен» РОСО» РМҚК өткізілді.

Байқаудың мақсаты жас педагогтердің әлеуметтік мәртебесін және шығармашылық потенциалын арттыру, инновациялық белсенділіктерін дамыту, әрі қарай кәсіби шеберліктерін жетілдіруіне жағдай жасау, оларды Қазақстан Республикасының білім мекелерінде бекіту.

Байқаудың қорытыңды кезеңі үш тапсырмадан тұрды:

Бірінші тапсырма – «Жаңа мектепке – жаңашыл ұстаз» тақырыбында эссе жазу.

Екінші тапсырма – «Шығармашылық жолдың бастамасы» тақырыбында өзін-өзі таныстыру.

Үшінші тапсырма – «Ашық сабақ». Байқауға қатысушылар бейтаныс сыныпта сабақ өткізді.

Республикалық байқауға Қазақстанның әр өңірінен еңбек өтілі үш жылдан аспаған 57 жас педагог қатысты.

Ақмола облысын Маханова Аяулым Болатқызы «Ақмола облысы білім басқармасының Көкшетау қаласы бойынша білім бөлімінің М. Ғабдуллин атындағы №3 көпсалалы гимназиясы» КММ география пәнінің мұғалімі; Умурзақова Дамели Танатқызы «Ақмола облысы бойынша білім басқармасының Атбасар ауданы бойынша білім бөлімінің Атбасар қаласының №3 жалпы білім беретін мектебі» КММ орыс тілі пәнінің мұғалімі; Туткушев Алмаз Дулатұлы Ақмола облысы білім басқармасының «Білім-инновация» лицей-интернаты КММ физика пәнінің мұғалімі қатысты.

Қазылар алқасының құрамынан білім беру саласындағы тәжірибелі мамандар, тренерлер мен педагог-практиктер құрылды, атап айтқанда, Ы. Алтынсарин атындағы ҰБА, «Дарын» РҒПО, «Өрлеу» БАҰО АҚ, «Назарбаев Зияткерлік мектептері» ДББҰ Педагогикалық шеберлік орталығы, Назарбаев Зияткерлік мектебі, «Балдәурен» БАҰО.

«Жаңа мектеп – заманауи мұғалім» VI Республикалық жас педагогтер байқауының ІІІ кезеңінің қорытындысы бойынша «Үздік жас мұғалім-2023» номинациясы бойынша Гран-при иегері «Ақмола облысы бойынша білім басқармасының Атбасар ауданы бойынша білім бөлімінің Атбасар қаласының №3 жалпы білім беретін мектебі» КММ орыс тілі пәнінің мұғалімі Умурзакова Дамели Танатқызы бағалы сыйлыққа ие болды. Әр қатысушыға сертификат берілді.

Жеңімпазды құттықтаймыз және барлық қатысушыларға шығармашылық табыс тілейміз!