WSK 2023 республикалық чемпионатына дайындық

2023 жылғы қараша айында Астана қаласында WorldSkills Kazakhstan колледж студенттері арасында жыл сайынғы республикалық кәсіби шеберлік чемпионаты өтеді.

Өңірлік чемпионаттың жеңімпаздары қазірден бастап дайындалуда. Студенттер құзыреттілік орталықтарында, кәсіпорындарда заманауи жабдықтарда практикалық дағдыларды нығайтады және жетілдіреді.

Ақмола облысы білім басқармасының әдістемелік орталығы 2023 жылғы 14 маусымда Щучинск қаласындағы Жоғары техникалық колледжінде республикалық чемпионатқа қатысушылардың тренингтік жиындарын ұйымдастырды.

Колледждің психолог-жаттықтырушылары «Сұхбат» тренингін өткізіп оның барысында сайыскерлер бір-бірімен танысты. Шақырылған жаттықтырушы-кәсіби бағдар беруші, көшбасшылық мектебінің басшысы  Д.  Ильясова қатысушылармен «Өзіңе сен!» деген табысқа жету тренингін өткізді.

Бұл күні студенттер қысқы спорт түрлері бойынша олимпиадалық дайындық орталығына экскурсия жасауға мүмкіндік алды.

Компатриот сарапшылар WSK чемпионатының ережелері туралы білімдерін тексеріп, тестілеуден өтті.

Сонымен қатар, дөңгелек үстел форматында тәлімгерлер проблемалық мәселелерді талқылап, өзара тәжірибе алмасты.

Барлық қатысушылар команданы біріктіретін мұндай тренингтер керек екендігін санады.

Әдістемелік орталық ТжКББ бөлімінің басшысы С.Сералина барлығына сәттілік тілеп, чемпионатта біздің команданың жеңіске жетуіне үміт білдірді.