Ақмола облысында инклюзивті білім беруді дамыту жөніндегі Үйлестіру кеңесінің отырысы өтті

2023 жылғы 23 маусымда Аршалы ауданында аралас форматта Ақмола облысында инклюзивті білім беруді дамыту жөніндегі Үйлестіру кеңесінің жоспары бойынша кеңейтілген отырысы өтті.
Жиынға 130-ға жуық қатысушы қатысты. Бұлар Ақмола облысында инклюзивті білім беруді дамыту жөніндегі Үйлестіру кеңесінің мүшелері; Ақмола облысының білім басқармасының өкілдері; облыстық әдістемелік орталық, облыстық ұйымдардың басшылары: ППТК және ПМПК меңгерушілері, тірек балабақша меңгерушілері, тірек мектеп директорлары; инклюзивті білім беруге жетекшілік ететін аудандық/қалалық/ білім бөлімдерінің әдіскерлері; мәслихаттың, жұмыспен қамту және әлеуметтік бағдарламалар бөлімінің, Аршалы аудандық ауруханасының, ҮЕҰ өкілдері қатысты.
Отырыс барысында ерекше білім беруді қажет ететін балаларға медициналық көмек көрсету, Аршалы ауданында мүмкіндігі шектеулі балаларды әлеуметтік қорғау бойынша жүргізіліп жатқан жұмыстар, жалпы облыстағы және жеке қосалқы білім беру ұйымдарындағы инклюзивті білім берудің жай-күйі талқыланды. қарастырылады.
Кеңес отырысының соңында 2022-2023 оқу жылындағы «Арнайы білім берудің үздік педагогы» байқауының облыстық кезеңінің жеңімпаздары арнайы білім беру ұйымындағы тәжірибелерімен таныстырды. Бұлар, Атбасар қаласындағы «Алтын бесік» балабақшасының логопед маманы, «Балабақшаның арнайы тобының тәрбиеленушілеріне психологиялық-педагогикалық қолдау көрсетудің үздік тәрбиешісі» номинациясының иегері Фаттахова Кристина Владимировна және Атбасар қ. ауданаралық ПМПК дефектологы Байдельдинова Жұлдыз Серікқызы, «Үздік ПМПК педагогы» байқауының жеңімпазы.
Үйлестіру кеңесі төрағасының жетекшілігімен отырыстың екінші бөлімінде Ақмола облысы бойынша ППТК және ПМПК жетекшілері секциясының отырысы өтті. Секцияда: «Мүгедектік, денсаулық және отбасы қызметінің халықаралық классификациясы шеңберінде жас балалардың психоәлеуметтік даму мәселелерін кешенді бағалау жүйесі», «Бірыңғай диагностикалық құралды әзірлеу туралы», “Мүмкіндігі шектеулі балаларды дамытудың жеке бағдарламасының даму деңгейін анықтау», «ХҚК негізгі ережелерін ескере отырып, ЕББҚ бар балаларды тексерудегі ПМПК әдістемелік негіздері» тақырыптары талқыланды