Колледж педагогтарының республикалық тамыз кеңесі

2023 жылғы 24-25 тамыз күндері Павлодар қаласында колледж педагогтерінің жыл сайынғы конференциясы өтеді. Аталған конференцияға Ақмола облысынан білім басқармасының әдістемелік орталығының ТжКББ бөлімінің басшысы С. Сералина және облыс колледждерінің басшылары, орынбасарлары мен педагогтері қатарынан құралған делегация қатысады.

Панельдік секцияда техникалық және кәсіптік білім беру дамытудың заманауи трендтері мен мүмкіндіктері талқыланады.

Жалпы отырыс шеңберінде инновациялық технологияларды, кадрлар даярлау саласындағы қызметтерді ілгерілету және бизнес пен білім беру арасында өзара тиімді ынтымақтастық орнату мақсатында инновациялық технологиялар көрмесі ұйымдастырылды.

Көрмеге инклюзивті білім беруді дамытудың ресурстық және тірек орталықтары болып табылатын, ерекше білім беру қажеттіліктері бар студенттерді оқыту бойынша үздік тәжірибелерін ұсынатын Көкшетау қаласының құрылыс-технологиялық колледжі, жоғары техникалық колледжі, Ж.Мусин атындағы жоғары қазақ педагогикалық колледжі қатысты.

Колледж педагогтері әдістемелік әзірлемелерін, құралдарын, дидактикалық материалдарын, заманауи арнайы жабдықтарын таныстырып, «Логопед» жаңа мамандығын енгізу тәжірибесін ұсынылды.

Конференцияға қатысушыларға жемісті жұмыс тілеймін!