Аудандық және қалалық білім беру ұйымдарында «Рухани жаңғыру бағдарламасы шеңберінде «Кітап – білім бұлағы» жобасы негізінде буккросинг бойынша іс- шаралар өтуде

2020 жылғы 28 ақпандағы жағдай бойынша Ақмола облысының мектептерінде 17186  оқушыны қамтыған келесі іс - шаралар өткізілді: «Менің сүйікті ертегі кейіпкерім»- бастауыш сыныптар үшін іс-шара, суреттер көрмесі, «Абай-ең үздік педагог!» мәнерлеп оқу байқауы. Сонымен қатар, оқушылар арасында «Сен қандай кітапты  оқығанды жақсы көресің?» -атты сауалнама   жұмыстары   жүргізілді.  Сауалнамада  оқушылар  өздерінің қиял-ғажайып   ертегілері  мен    әдеби шығармаларға    қызушылықтары  зор екенін   сауалнама  барысында   көрсетті. Бастауыш сынып оқушылары облыс мектептерінің кітапханаларында «Кітап әлеміне саяхат» тақырыбында өткізілген сыныптан тыс іс-шараларға қатысты. Облыста «Мектепке кітап сыйла» акциясы бойынша үлкен жұмыс жүргізілді: оқушылар оқыған кітаптар туралы өз әсерлерімен бөлісті, ұнаған кейіпкерлер туралы айтты, бір-біріне белгілі бір кітапты алып оқуға ұсыныс білдірді.