"BILIMDI JASTAR" VI облыстық жас педагогтар форумы

2024 жылғы 04-05 қаңтар күндері  Сандықтау ауылы «Ақмола облысы білім басқармасының жанындағы жыл бойы жұмыс істейтін балалар сауықтыру лагері»  базасында 60-тан астам қатысушыны қамтыған «BILIMDI JASTAR»  VІ  облыстық жас педагогтер форумы өтті.

Форум аясында білім басқарамасының басшысы Оразалин Шоқан Жетпісбайұлы қатысқан дөңгелек үстел ұйымдастылды. 

Жас педагогтерді құттықтай отырып, Шоқан Жетпісбайұлы қалада ғана емес, ауылдық жерлерде де білім беру жүйесінде жұмыс істейтін жастардың оң көзқарасын, тәжірибелі педагог-тәлімгерлердің кәсібилігін, олардың шығармашылық белсенділігін және аудан, облыс және республика деңгейінде өткізілетін көптеген іс-шараларға қатысуға ұмтылысын атап өтті.Сонымен қатар, басқарма басшысы бүгінгі таңда тәлімгерлік басты назарда, себебі бұл жас мұғалімнің жұмыс орнында практикалық және теориялық көмек ұсына алатын тәжірибелі маманның қолдауына ие болу қажеттілігін көрсететіні жөнінде сөз қозғады.

Диалогтың негізгі идеясы жас педагогтерге мамандыққа деген қызығушылығын жоғалтпауға, кәсіби шеберлігін үнемі дамытып, арттыруға және қоғамдық өмірге белсенді қатысуға шақыру болды.

Жас педагогтер екі күн қатарынан түрлі шараларға қатысты:

• «Жас педагогтің шеберлік аймағы» шығармашылық лабораториясына, дидактикалық материалдарын және зертханалық зерттеулердегі қолөнер бұйымдарына арналған көрме экспонаттарын ұсынды;

• «Білім беру қарқындылығы» екі форсайт-алаңында әдістемелік орталығының басшысы авторлық бағдарламаларды әзірлеу және құру ерекшеліктерімен таныстырды,сондай-ақ Капарова Айнагул Нуртаевна С. Жүнісов атындағы  №18  мектеп-лицеінің бастауыш сынып мұғалімі, Жижикина Ольга Витальевна, № 13 «ЭКОС» мектеп-гимназиясының география пәнінің мұғалімі және Тлеубаев Нурлан Женисович, Сандықтау ауданы Балкашино ауылы №2  жалпы орта білім беретін мектебінің ағылшын тілінен тәжірибелі педагог-тәлімгерлер заманауи сабақты модельдеу және оқытудың белсенді әдістері бойынша шеберлік сағаттар  өткізді.
• интерактивті презентация алаңында жас педагогтің әзірленген жобалары мен блоггерлігі көрсетілді;
• форумның басталуында және аяқталуында «Ортақ мақсаттарға бірлікте» тренинг-активі және «Сіз бәрін жасай аласыз!»  жас педагогтердің бірігуіне, коммуникативтік дағдыларды, эмоционалды тұрақтылықты, өзіне деген сенімділікті және бір-біріне мейірімді қарым-қатынасты дамыту бағытында өткізілді. Ұйымдастырушы әдістемелік орталығымен жас педагогтерге тек білім беру ғана емес, сонымен қатар мәдени-демалыс іс-шараларына толы бағдарлама дайындалды.