Қоғамдық -гуманитарлық бағыты және жаратылыстану-ғылыми бағыты пәндерінің оқыту саласындағы педагог-шеберлердің үздік тәжірибелерін тарату

"Ақмола облысы білім басқармасының әдістемелік орталығы" КММ-сінің іс – шаралар жоспарына сәйкес 2023 жылғы 13 желтоқсан мен 2024 жылғы 27 наурыз аралығында ҚГБ және ЖҒБ пәндерін оқыту саласындағы педагог-шеберлердің үздік тәжірибелері (функционалдық және оқу сауаттылығы бойынша тапсырмалардың мазмұны) көрсетілді.

Мақсаты: функционалдық сауаттылықты дамыту бойынша педагог-шеберлердің жұмыс тәжірибесінің үздік инновациялық идеяларын тарату.

Аталған іс-шараға бастауыш сынып, қазақ тілі мен әдебиеті, орыс тілі мен әдебиеті, ағылшын тілі, математика, химия, биология пәндерінің мұғалімдерінің 27 педагог-шебері келесі тақырыптар бойынша қатысты:

- Бастауыш мектепте оқу сауаттылығын арттырудың тиімді жолдары;

- Бастауыш мектепте математикалық сауаттылықты дамыту;

- Бастауыш мектепте жаратылыстану сауаттылығын қалыптастыру;

- Қазақ тілі мен әдебиетін оқытудағы белсенді әдіс-тәсілдер арқылы оқушылардың функционалдық сауаттылығын арттыру;

- Орыс тілі мен әдебиеті сабақтарында функционалдық сауаттылықты қалыптастыру әдістері мен тәсілдері;

- Ағылшын және неміс тілдері сабақтарында оқушылардың функционалдық сауаттылығын қалыптастыру және дамыту;

-Математика сабақтарында білім алушылардың математикалық сауаттылығын қалыптастыру. Көрсеткіштер мен мәселелер;

- Биология және химия пәндері бойынша тәжірибеге бағытталған тапсырмаларды құрастыру және шешу.