«Үштілділік білім беру мазмұнын жаңарту жағдайында бәсекеге қабілеттіліктің жаңа мүмкіндігі ретінде» ҚР Білім және ғылым министрлігінің кеңейтілген алқа отырысының секциясы туралы ақпарат

2018 жылғы 13 ақпан күні Астанада қаласында № 66 мектеп-лицейінің базасында дарынды балалармен жұмыс жөніндегі аймақтық ғылыми-практикалық орталықтарының өкілдеріне, мамандандырылған білім беру ұйымдарының директорларына және директорлардың орынбасарларына, пәндерді ағылшын тілінде оқытатын пилоттық мектептердің өкілдеріне арналған «Үштілділік білім беру мазмұнын жаңарту жағдайында бәсекеге қабілеттіліктің жаңа мүмкіндігі ретінде» ҚР Білім және ғылым министрлігінің кеңейтілген алқа отырысының секциясы өтті. Ақмола облысынан 6 педагог қатысты. Секция барысында Забиякина Оксана Сергеевна «Биология және химия пәндерін ағылшын тілінде оқыту ерекшеліктері» баяндамасымен сөз сөйледі. Сондай-ақ, мұғалімдердің CLIL әдістемесі жөніндегі баяндамалары қызығушылық тудырды, онда ЖМЦ пәндері бойынша тілдік курстарды аяқтаған мұғалімдерді курстан кейінгі қолдау туралы айтылды.

Секция жұмысының қорытындысында Қазақстан Республикасының білім және ғылым вице-министрі Асхат Қанатұлы Аймагамбетовке пилоттық мектептерде үштілді білім берудің өзекті мәселелері жөнінде сұрақтар қойылды.