Қазақстан Республикасының Президенті Нұрсұлтан Назарбаевтың Жолдауының негізгі ережелерін түсіндіру бойынша оқу - әдістемелік кабинетінің кеңесі

2018 жылғы 11 қаңтар күні оқу - әдістемелік кабинетінің директоры Баймақова Жанаргүл Дәулетқызы «Төртінші өнеркәсіптік революция жағдайында дамудың жаңа мүмкіндіктері» тақырыбында ҚР Президентінің Жолдауын түсіндіру бойынша кеңес өткізді.

Кеңеске оқу –әдістемелік кабинеті директорының орынбасары, бөлім басшылары, әдіскерлер, кадр бөлімінің маманы, есепшілер қатысты.

Мемлекет Басшысының Қазақстан халқына жыл сайынғы жолдауын түсіндірумен Ақмола облысы білім басқармасының «Облыстық оқу - әдістемелік кабинеті» КММ-сі директорының орынбасары, педагогика ғылымдарының кандидаты Кушпаева Гүлнар Бүркітбайқызы, тәрбие бөлімінің басшысы Қажығалиева Шолпан Қалиқызы сөз сөйледі.

Өзінің кезекті Жолдауында мемлекет Басшысы еліміздің Тәуелсіздік жылдарындағы негізгі жетістіктерін атап өтті. 30 озық елдің қатарына кіру үшін орташа әлемдік және орнықты экономиканың өсу қарқынын қамтамасыз етуге 10 міндет бойынша талдау жүргізді. «Адами капитал - жаңғыру негіздері» жетінші басымдықтың мазмұны білім беруді жаңарту талаптарына сәйкес егжей-тегжейлі қаралды. Білім беру мекемелерінде әдіскерлердің одан әрі жұмысына қажетті мазмұнды және қызықты кеңестер берілді.