Ақмолалықтар Қазақстанды WorldSkills Abu Dhabi 2017 таныстырды

2017 жылғы 14-19 қазан аралығында Абу-Даби (БАӘ) қаласында Әбу Даби ADNEC) Ұлттық көрме орталығының базасында «WorldSkills International» халықаралық қауымдастығының WorldSkills Competition әлемдік жастар чемпионаты өтті.

Валерий Онищенко - Көкшетау қ. Красный Яр селосы № 3 агротехникалық колледжінің студенті және оның шебер-тәлімгері Ержан Қасымов «Сантехника және жылыту» құзыреті бойынша сөз сөйледі, Көкшетау қаласы № 1 құрылыс-техникалық колледжінің студенті Анна Бобылова, тәлімгері Балдырған Құсаинова «Сырлау және декоративтік жұмыстар» құзыреті бойынша сайысты.

«Ең үздік жастарды кәсіби даярлау бойынша әлемдік тәжірибелерді анықтау және оларды отандық техникалық және кәсіптік білім беру жүйесіне енгізу мақсатында Қазақстанда 2014 жылдан бастап WorldSkills халықаралық қозғалысы белсенді дамуда. Абу Дабида біздің балалар өздерін өте жақсы көрсетті. Және жұмыс технологиясы мен сапасын, орындау жылдамдығын барлық сарапшылар лайықты бағалады» - деді Балдырған Құсайынова.

Келесі WorldSkills Competition әлем чемпионаты 2019 жылы Рессейде өтеді. Бұл шешім 2015 жылы Сан-Паулуда әлем чемпионатында бас ассамблеясының дауыс беруімен қабылданды. Қазан қаласы Париж және Бельгияның Шарлеруа қалаларын орап кетті. 45-ші әлем чемпионаты 29 тамыз бен 3 қыркүйек аралығында өтеді және 1500-ден астам қатысушыны жинайды. Ақмолалық студенттер қазірден келесі WorldSkills әлем чемпионатына дайындығын бастап кетті.

Мемлекет Басшысы «Үшінші жаңғырту-Қазақстанның жаһандық бәсекеге қабілеттілігі» Қазақстан халқына жолдауында жалпыға ортақ еңбек қоғамын қалыптастыру және жұмыс мәртебесін арттыру, кәсіптік техникалық білім беру саласын дамыту бойынша отандық экономика үшін бәсекеге қабілетті кадрларды даярлау нәтижесі ретінде одан арғы шараларды белгілегенін айта кету керек.

Түрлі білім беру және инновациялық әлем біріншіліктеріне белсенді қатыса отырып, Қазақстан жастары, сондай-ақ жоғары білікті техникалық кадрларды даярлау жүйесін дамытуға өз үлесін қосуда.