Білім беру мазмұнын жаңарту аясында оқу бағдарламалары, оқулықтар мәселелері бойынша өткізілген Кеңес туралы ақпарат

2017 жылғы 13 қазан күні Көкшетау қаласы №1 құрылыс- техникалық колледжінің базасында оқу-тәрбие процесінің барлық ұйымдастыру мәселелері, сонымен қатар жаңартылған білім мазмұнының аясындағы оқу бағдарламаларының құрылымы мен мазмұны бойынша ақпараттық - түсіндіру жұмысы өтті.

Жұмыс тобы келесі құрамда болды: ҚР БҒМ Мектепке дейінгі және орта білім департаменті директорының орынбасары Максутова Зейнеп Абдижусуповна, Л.Гумилев атындағы Ұлттық Евразия университетінің профессоры Журавлева Евгения Александровна, Павлодар қаласы Инновациялық Евразия университетінің проректоры Бейсенбаев Амангелді Ракишевич, «Назарбаев зияткерлік мектебі» ДББО қоғамдық пәндер зертханасының әдіскері Кожамкулова Гульмира Есембековна, Ы.Алтынсарин атындағы қоғамдық пәндер зертханасының меңгерушісі Мукатаева Бибигуль Мурсалиевна, «Оқулық» республикалық ғылыми практикалық орталығы директорының орынбасары Дүйсебек Әділхан Төлегенұлы, Көкшетау қаласы физика- математикалық бағыттағы Назарбаев зияткерлік мектебінің директоры Уразбекова Зульфия Кыдыралиевна.

Сындарлы диалогқа аудандық (қалалық) білім бөлімдерінің әдіскерлері, Ақмола облысы білім беру ұйымдарының гуманитарлық бағыттағы пәндердің, орыс тілі және әдебиет мұғалімдері әдістемелік бірлестіктерінің жетекшілері қатысты.