Жаңартылған бағдарлама аясында өткізілген облыстық оқыту семинары бойынша ақпарат

Ақмола облысы білім басқармасы оқу-әдістемелік кабинетінің жоспарына сәйкес «Өрлеу» біліктілікті арттыру ұлттық орталығы» АО филиалы «Ақмола облысы бойынша педагогикалық қызметкерлердің біліктілігін арттыру институты» қызметкерлерінің қатысуымен 2017 жылғы 12 қазан күні гуманитарлық бағыттағы әдіскерлер мен әдістемелік бірлестік жетекшілері үшін «Білім беру мазмұнын жаңарту аясында гуманитарлық бағыттағы білім беру бағдарламаларының құрылымы мен мазмұны» тақырыбында оқыту семинары өтті. Семинарда жаңартылған білім беру мазмұны ерекшеліктерінің сапалы енгізу, мұғалімдердің орта мерзімді, қысқа мерзімді жоспарлауда кездесетін қиындықтар туралы және жаңартылған білім беру мазмұны аясында критериалды бағалаудың мүмкіндіктері бойынша талқылаулар жүргізілді.

Диалог алаңында жаңартылған білім беру мазмұнының негізгі идеяларын жүзеге асыру бойынша мұғалімдерге әдіс-тәсілдері және өз көзқарастарымен бөлісуге мүмкіндік берілді.

«Өрлеу» біліктілікті арттыру институтының қызметкерлері Акишева А.К., Суйндикова Б. С., Хасеинова В. А., Пранге О. В., Аембаева А. Е. және облыстық оқу-әдістемелік кабинетінің әдіскерлері Смаилова М.И., Бигожина Б.О. түсіндіру жұмысын жүргізуде ауқымды әдістемелік көмек көрсетті.

Семинардың соңында ұсынымдар қабылданды.