Бурабай, Еңбекшілдер, Шортанды және Ақкөл аудандарында әдістемелік күндер қорытындысы бойынша ақпарат

Әдістемелік күндер 2017 жылғы 22 қыркүйек күні Ақмола облысының 4 ауданында өтті. Барлығы төрт ауданнан 320 адам қатысты. Диалогтық алаңға білім бөлімдерінің басшылары, сонымен қатар жалпы білім беретін мектеп директорлары, мектепке дейінгі мекемелердің меңгерушілері, қосымша білім беру ұйымдарының директорлары, директорлардың оқу және тәрбие ісі жөніндегі орынбасарлары, білім бөлімінің әдіскерлері қатысты.

Жаңартылған білім беру мазмұны аясындағы мәселелері бойынша, атап айтқанда критериалды бағалау жүйесі, тақырыптық - күнтізбелік жоспар құру, оқулықтар мен оқу бағдарламаларының сәйкес келмеуі, электрондық журнал, сынып журналдары жөнінде кеңес берілді. Жұмыстың бұл формасы білім беру ұйымдарының әкімшіліктерімен тығыз қарым-қатынаста және ынтымақтастықта өтетіндіктен өте тиімді.