«Техникалық және кәсіптік, орта білімнен кейінгі білім беру ұйымдарындағы 2016-2017 оқу жылындағы тәрбие жұмысын қорытындылау» тақырыбындағы семинар туралы ақпарат

Ақмола облысының техникалық және кәсіптік, орта білімнен кейінгі білім беру ұйымдарындағы тәрбие жұмысын талдау және әрі қарай тиімді жоспарлау мақсатында 2017 жылғы 20 мамырда Көкшетау қ. Красный р с. №3 Агротехникалық колледжінде директорлардың тәрбие жұмысы жөніндегі орынбасарларының «Техникалық және кәсіптік, орта білімнен кейінгі білім беру ұйымдарындағы 2016-2017 оқу жылындағы тәрбие жұмысын қорытындылау» тақырыбында облыстық семинары өткізілді.

Семинар барысында қатысушыларға ТжКББ ұйымдарындағы тәрбие жұмысының жайы туралы ақпарат ұсынылды. Сондай-ақ, қатысушылар тәрбие жұмысының басым бағыттарына: кәмелетке толмағандардың қылмыс жасауының, құқық бұзушылықтары мен қараусыз қалуының алдын алуға, кәмелетке толмағандардың, оның ішінде ішкі істер органдарында есепте тұрғандардың да жұмыспен қамтылуын, діни экстремизм мен терроризмге қарсы іс-қимыдың алдын алу, жастай жүкті болудың алдын алу мәселелеріне баса назар аударылды.

Директорлардың орынбасарлары Елбасының «Болашаққа бағдар: рухани жаңғыру» бағдарламалық мақаласын талқыға салды, патриотизмнің басты белгісінің бірі адамның туған жеріне, оның мәдениеті және салттары мен дәстүрлеріне ерекше көзқарасы болуы қажеттігін атап өтті.

Семинардың практикалық бөлігінде қатысушылармен тәрбие жұмысының нәтижелілігін анықтау бойынша құрал әзірленді, алдағы оқу жылына арналған тәрбие жұмысы жоспарының жобасы жасалды.