Ақмола облысынының әкімі өзге ұлт өкілдер арасында қазақ тілінен өткізілген облыстық шығармашылық байқауының женімпаздарымен кездесу туралы ақпарат

Ақмола облысы білім басқармасының жоспарына сәйкес 2017 жылғы 16 маусымда Көкшетау қаласында Келісім сарайында сағат 10.00 –де Ақмола облысынының әкімі өзге ұлт өкілдері мектепке дейінгі, мектеп алды жасындағы және 1-11 сынып оқушыларының арасында қазақ тілінен өткізілген облыстық шығармашылық байқауының женімпаздарымен кездесу өткізді. "Мәңгілік ел" идеясын іске асыру шеңберінде балалар мен оқушылардың еліміздің рухани және жалпыұлттық құндылықтарына негізделген зияткерлік және шығармашылық қабілеттерін қолдау және насихаттау үшін алғашқы рет өзге ұлт өкілдерінің арасында осындай байқау өткізілді.

Осы іс – шараның мақсаты – бірінші, екінші, үшінші орындары үшін 150 000, 130 000, 100 000 мөлшерлерінде алтын, күміс, қола сертификаттарымен марапаттау.

Марапаттау рәсімі келесі номинациялар бойынша өткізіледі:

1.«Музыкалы қонақжай»

2.«Театрландырылған қойылым»

3.«Әдеби оқу»

4.«Ұлттық қолданбалы өнер»

Ақмола облысының әр өлкелерінде 2000 - нан астам балалар қатысты, байқаудың облыстық кезенінде 90 бала жеңімпаз атанды: алтын сертификатпен 15 оқушы марапатталды, күміс сертификатпен – 30 бала марапатталды, қола сертификат 45 оқушыға берілді.

Марапаттау рәсімінде қадырлы қонақтар қатысты: Елубаев Сагынтай Зекенұлы – Абай Мырзахметов атындағы Көкшетау университетінің президенті, Абжаппаров Абдумуталіп Абжаппарұлы – Шоқан Уалиханов атындағы Көкшетау мемлекеттік университетінің ректоры, Кииков Мейрамбек Киықұлы – қазақ тілі мен мәдениеті Қоғамдық бірлестігінің төрағасы, Төреғожа Қайырбай Зейноллаұлы – «Арқа ажары» газетінің бас редакторы, Бекенов Алпыс Нұртайұлы – тілдерді дамыту, талдау және үйлестіру жұмысы бөлімінің басшысы, Ізбасарова Балым Сабетқызы – Ақмола облысы білім басқармасының басшысы.