Бастауыш, негізгі және жалпы орта білім беретін ұйымдарының педагогикалық қызметкерлері арасында «Үздік педагог-2017» конкурсының өткізілуі туралы ақпарат

Ақмола облысы білім басқармасының іс-шаралар жоспарына сәйкес 2017 жылғы 18-19 мамыр аралығында Көкшетау қаласы Мәлік Ғабдуллин атындағы №3 көптілде оқытатын кәсіби мектеп-гимназиясында бастауыш, негізгі және жалпы орта білім беретін ұйымдарының педагогикалық қызметкерлері арасында «Үздік педагог-2017» облыстық конкурсы өткізілді.

«Үздік педагог-2017» облыстық конкурсына 18 білім беру ұйымдарының ұстаздары қатысты.

Конкурс бағдарламасы 3 кезеңнен тұрды:

-«Менің кәсіби ұстанымым». Мұғалімнің өзін-өзі таныстыруы;

-«Сынып шеберлігі»;

-«Шығармашылық зертхана» озық педагогикалық іс-тәжірибелерін көрсету, авторлық бағдарламалардың, әдістемелік құралдардың, ұсынымдардың және т.б. көрсетілімі.

Конкурс қорытындысы бойынша жеңімпаздарға Ақмола облысы білім басқармасының Дипломдары мен сертификаттары тапсырылды:

Гран–при –Қошанов Серік Сүлейменұлы – Көкшетау қаласы, №17 орта мектебінің биология пәні мұғалімі (150 мың теңге мөлшерде сертификат иегері);

1-орын – Кинцель Александр Евгеньевич – Степногорск қаласы, А.Құнанбаев атындағы № 6 мектеп-гимназиясының биология пәні мұғалімі (100 мың теңге мөлшерде сертификат иегері);

2-орын – Алешина Елена Витальевна - Жақсы ауданы, Запорожье орта мектебінің орыс тілі мен әдебиеті пәні мұғалімі (75 мың теңге мөлшерде сертификат иегері);

3- орын- Қожабеков Еркебұлан Бүркітбайұлы- Сандықтау ауданы Балкашин №1 орта мектебінің ағылшын тілі пәні мұғалімі (50 мың теңге мөлшерде сертификат иегері).

Конкурсқа белсенді қатысқан 14 қатысушыға Ақмола облысы білім басқармасының грамоталары берілді.

Сонымен қатар, облыстық конкурста қатысқан 18 қатысушыларды «Ақмола облысы және Астана қаласы білім және ғылым қызметкерлерінің кәсіподақ ұйымының» төрағасы Абдрахманов Бейсенбай Қадырұлы Құрмет грамотасы мен бағалы сыйлықтармен марапаттады.