ТжКБ педагогтерінің біліктілігін арттыру курстары

Кадрлардың біліктілігін арттыру-бұрын алған кәсіби білімдерін, іскерліктері мен дағдыларын қолдауға, кеңейтуге, тереңдетуге және жетілдіруге мүмкіндік беретін қосымша білім беру нысаны.

Колледж педагогтері Ақмола облысы білім басқармасының облыстық оқу-әдістемелік кабинеті ұйымдастырған курстарда білімдерін жалғастыруда.

2020 жылғы 1 қыркүйектен бастап техникалық және кәсіптік білім беру ұйымдарында оқу процесіне балдық-рейтингтік бағалау жүйесі енгізілді, ол оқытушыға білім алушылардың санаттарын саралауға және оның оқу жетістіктерін объективті бағалауға мүмкіндік береді, оқудағы  және жеке жетістіктерінің өзін-өзі бағалауына әсер етеді. Осыған байланысты курстардың тақырыбы «Техникалық және кәсіптік білім беру жүйесіндегі оқыту нәтижелерін бағалаудың негізгі компоненттері».

Колледждердің дене шынықтыру пәнінің 80-нен астам оқытушысы «Орта білім мазмұнын жаңарту» қашықтықтан оқыту курсында оқиды.

Курс бағдарламалары өзекті педагогикалық мәселелерді шешуге - бағалау жүйесін ТжКБ жүйесінің қойылған мақсаттарына сәйкес келтіруге, педагогтерге оқу және білім беру процесінде мазмұнды да, әрекеттік мақсаттарға қол жеткізу деңгейінің технологиялық өлшеуіштерін әзірлеуге көмектесуге бағытталған.